divendres, 22 de maig de 2009

[055] Tro vos mi siatz renduda

¬¬¬¬¬

El títol del poema prové d'un vers de Bertran de Born, el primer dels poetes medievals esmentats en el text que tancava Da nuces pueris --i el poema està acarat, significativament, amb "Josep Carner". Es tracta del darrer vers de la segona estrofa d'aquest poema, repetit, "fins que em siguis tornada", en el vers final del poema de Ferrater:


Domna, puois de me no·us chal
e partit m'avetz de vos
senes totas ochaisos,
no sai on m'enquieira;
que ja mais
non er per me tan rics jais
cobratz; e, si del semblan
no trop domna a mon talan
que valha vos qu'ai perduda,
ja mais no vuolh aver druda.

Puois no·us puosc trobar engal,
que fos tan bela ni pros,
ni sos rics cors tan joios,
de tan bela tieira
ni tan gais
ni sos rics pretz tan verais,
irai per tot acahptan
de chascuna un bel semblan
per far domna soisseubuda,
tro vos mi siatz renduda.

Frescha color natural
pren, Bels Cembelis, de vos
e·l doutz esgart amoros;
e fatz gran sobrieira
quar re·i lais,
qu'anc res de be no·us sofrais.
Midons N'Aelis deman
son adrech parlar gaban,
que3m do a midons aiuda;
puois non er fada ni muda.

De Chales la vescomtal
voulh que·m done ad estros
la gola e·ls mas amdos.
Puois tenh ma charrieira
no·m biais,
ves Rochachoart m'eslais
als pels N'Anhes que·m daran·n;
qu'Iseutz, la domna Tristan,
qu'en fo per totz mentauguda,
no·ls ac tan bels a saubuda.

N'Audiartz, si be·m vol mal,
vuolh que·m do de sas faissos,
que·lh estai gen liazos,
e quar es entieira
qu'anc no·s fais
s'amors ni·s vols en biais.
A mo Mielhs-de-be deman
son adrech, nuou cors prezan,
de que par a la veguda,
la fassa bo tener nuda.

De Na Faidid'autretal
vuolh sas belas dens en dos,
l'acolhir e·l gen respos
don es presentieira
dintz son ais.
Mos Bels Miralhs vuolh que·m lais
sa gaieza e son bel gran,
e quar sap son benestan 
far, don es reconoguda, 
e no·s chambia ni·s muda.

Bels Senher, ieu no's quier al 
mas que fos tan cobeitos 
d'aquesta com sui de vos; 
qu'una lechadieira 
amors nais,
don mos cors es tan lechais, 
mais vuolh de vos lo deman 
que autra tener baisan ; 
doncs mi dons per que'm refuda, 
puois sap que tan l'ai volguda?

Papiols, mon Aziman 
m'anaras dir en chantan 
qu'amors es desconoguda 
sai e d'aut bas chazeguda. 


Apunt encetat, malgrat la data, el 5 de març de 2012

--

0 comentaris:

Publica un comentari a l'entrada

 

Comparteix Un fres de móres negres

Creative Commons License
Un fres de móres negres es publica
sota una llicència Creative Commons 2.5

Add to Technorati Favorites